舊公司

聽到那間公司不斷有人走, 聽到剩下來的人說這樣那樣..

對一個已經不屬於"那地方"的我來說, 沒有一點 "我真好彩" 的感覺.. 反之, 有點擔心船上的人. 不擔心船本身, 而是坐船的人有否暈浪.. 也許這就是我這冷血人還剩低的一點點人情味.

撐下去, 日子總會是光明的 !

ps : 其實, 香港仲有邊間公司的員工會很 treasure 自己的公司 ? 就正如有邊位員工很滿意自己的薪水..

pps : 人之所以常常比動物唔開心, 係因為人有 "無" 呢種感覺.. 相反, 動物只會因為 "有" 而開心, 而唔會因為 "無" 而唔開心..... 下刪一百字 << 妙手仁心3 程志美 醫生所講的 >>

Oh... You are all blogged

Ashes, wish you okay. Compared to others, I know the least but hope you're fine. I know you can. Just like "Ashes"

Thin Tiger, congratulation to your bet, ideally 1.2M. I heard you've promoted, why there isn't any treat from you (yet and still!) ?

13028 has not been updated for long.. what's up? Must be overloaded because of my ex-boss. God bless you....

Last but not least, 7-Keys seems stopped running, but cooking.... a good start... keep going....

Anyone I missed? Or som other blogs I don't know yet?

ps : flying back to HK on Friday (finally)... should catch you all and have a drink.. shall we?

街頭魔術

セロ 原名是Cyril Takayama，是在美國出生的日法混血兒。

他在日本的魔術電視節目，被人剪成短片在網絡上流全，所以大家看過他的表演也不出奇。其中一段最多人看過的應該是他的漢堡包魔術, 另外還有影子魔術和易容魔術。(若果想看更多的話，只有搜尋一下"Cyril Takayama"這個名字就可以了), 我近日也成為了他的 fans. 收藏了他 三十幾 段街頭魔術. 有興趣可以留低 email 我 send 比你.

以下是幾段他的演出
http://www.davyc.com/~davyc/ayeung

不像一般在舞台表演的傳統魔術師，他反其道而行，走到街頭或舖頭裏表演，道具都是隨手拿來的，很生活化，那種與眾同樂的感覺，又有點像yan can cook。玩的都是小魔術，或許看慣大型魔術的會覺得小兒科，可是他就是有一種魅力散發出來，讓你不禁追看下去。可能這就是他的成功之道吧。

セロ 的個人網頁(日文那邊內容比較多)
http://www.cyrilmagic.com/

曼聯 Manchester United

沒有觀看這場球. 我作為一個 萬人迷, 唔好意思, 應該係 曼聯迷, 贏了 n 場不敗的車路士, 當然可喜可賀. 可惜入球的是 "癈柴" (Darren Fletcher). 一個自以為成功的青訓產品, 費 sir 的愛將.

就是那個帶 90% 付錄的入球, 一夜間更令他覺得自己是明日之星. 另一廂的費 sir .. 又會覺得自己那 full team 是英超的偉大球隊.

唉... 個人覺得如其這場勝利會令失去活力的曼聯更不思進取, 倒不如給車路士狠狠的插幾刀, 好讓費 sir 醒覺.

輸一場, 無要緊, 只要輸得有價值. 輸一仗有時候比贏一仗來得更好, 不是酸葡萄, 是為如下所有戰事作準備.. 足球如是, 人生也大概如是... 人生與樓市沒兩樣, 也有泡沬... 早點醒來反而有更多時間追回去...

各位 manager, executive ... 在你沒有真料子時, 還是別勉強向上走..... 你未必會跌下來, 但世人的眼睛是雪亮的... 騙自己是容易的 (因為你自己沒有能力去分析自己被騙呢)

倒錢

一個令人又愛又恨的港式摶彩玩戲

買的人多, 中的人很少很少.
沒有中的人那份堅持和執著, 用於工作上, 定必無往不利.


非正式統計, 你身邊的 20% 朋友, 也會對這玩戲有著一股滅不掉的熱誠, 屢敗屢戰 (當然也是屢戰屢敗). 以小摶大其實很不實際. 你擁有的已經不多, 何不好好珍惜?


友人 : 喂喂, 你有無買今期六合彩 ?
我 : 無喎 !
友人 : 快 d 去買啦
我 : 點解 ? 我一向都無玩開, 費事廿蚊都輸埋啦...
友人 : 唔係喎, 今期六合彩好抵買喎
我 : (心想住左香港咁耐, 都唔知六合彩會有一兩期特別抵買) 點抵買法呢 ?
友人 : 今期有金多寶
我 : -____-

我是讀數學的, 談不上對數學有研究 (因為我十年前已明白 求學不是求分數 這道理), 但對於一個接受過高等教育的雙失(失敗帶少許失禮) 青年而言, "今期六合彩好抵買" 這句說話的確令人費解... 47C6 份之一 就係中頭奬的機會, 只要賽馬會唔將 47 個波波減為 46 個, 又或者唔將 六合彩 變成 五合彩, 中頭奬的期會 日日如是, 年年如是....

哀乎.. 何抵買之有 !

ps : 我的友人 是不折不扣的香港仔. 現職香港政府公務員, 三十多年前已擁有大學文憑, 有兩名已大學畢業的女兒.......

香港人 - 英不成 中不就

聽到人鬧老闆玩文字玩戲, 其實你都可以 ! 中文, 真是可以很好玩的

我用左 5 分鐘咖啡時間, 諗左以下幾隻字 :

望忙忙忘惘惘
惜昔適識嗇息

寫完自己都唔係好明, 不過又好次解得通 :

期望忙著要忙的事, 忘記一切惘然
懷念昔日的幸福, 會更懂得善用時間

o華... 大佬.. 12 隻字隻隻有料到呀...

你係咪覺得我痴痴地線... 你回憶下以前上中文堂, 個 miss 或者 阿 sir 咪又係咁 translate ... 唔同o既係
1) 果陣時你未有能力 (或者唔敢) 挑戰幾百年來的解譯
2) 作者唔係 李白, 而係 Alan.


我讀比隔離個鬼佬聽, 攪得他一頭霧水.
我讀比對面個港燦聽, 弄得他很自卑. (果然, 漠化現象比想像中厲害.... 文化沙漠是也)

香港人, 你強在中英並重嗎? 事實是中英不濟, 的確如此... 哀...
各位, 真的要諗諗我們下一代 (就算你唔打算生) 會否一句說話有著三種語言
(呀 ! 星加坡 同 馬來西亞人都係 " 三合一" 喎) 那你錯了, 他們 "自己友" 溝通才是 "三合一".
一見港燦, 立即就番你講廣東話 (雖然係 "半咸淡").
一見鬼, 快過你明珠台用 nicam. 問你死未.

港人, 好好檢討 !

談電視, 睇電視

我住果間酒店住於奧運選手村 (你查一查慕尼克幾時攪過奧運.. 我估你用埋 50/50 都未必估到 -- 係 1972). 環境是不錯的, 兩層式 apartment, 有 Kitchen 有 dinning room 有 living room... 地方唔大不過叫做乜都有.

Dinning room 有一部 20 吋 Philips 電視 (一定唔係 flat tv 了, 這個是預計之內的). 先講講 "開電視"一個小學生都嫌你低 b o既問題, 竟然難倒了我這個 碩士 (是的, 我有一個 master degree). 先按 電視機 上的一個 總 on/off 掣, 一切順利, 機上的紅燈話我知電視機是駁了電的 (果然是酒店). 可惜無畫面.

"嘿, 仲唔係 remote?" 我心想 (帶點得意心情)拿起 remote, 右上角 紅 色, 一按. 等了兩秒, 無畫面... -__-
心想 -- "嘿, 一定是沒按到" 再按, 還是沒有畫面...

(比著你你會點諗 ? 哈哈.. remote 無電 !) 如果你咁諗, 你是正常人, 但 IQ 一定唔高 (得罪晒... 唔好意思)
我呢, 下這個沒有電的結論前一定會盡量試.. 因為睇了廿幾年電視, 用了十幾年 remote, 沒有電的情況真的不多.
見到有兩粒 "加" "減" channel 掣, 如同這裡的咸豬手一樣 --- 必試 ! 又一次無反應 !

按了又按, 還是 "粒聲都無" ... 心開始有少少急 (唔係趕住睇電視, 而係我自己唔相信 "開電視" 這個程序要幾分鐘)
到這裡, 你會點 ? 無錯, 乜掣都"禁" 下, 希望有一個中.. (請記得, 我做呢個動作之時係依然相信 remote 有電)
12 秒後, 有畫面, 有聲音, 仲好大聲添.

翻查我 "禁" 過的掣.. 哈哈.. 估唔到, 係 數目字 .. 0 至 9 任何一個都得.
好了, 電視開了, 但心有不甘, 關了它, 再用 8 字 開電視 ... 係人都會期望佢一開就跳去第 8 台啦.. 呵呵.. 不好意思, 10 個數目字都係 第一台 (可惜唔係無線)

從一個科學的角度睇, 這個設計真差.. 用數字開機, 10 粒掣都係 ON, 反而唔用 紅色 果粒 OFF 掣 ... 從另一個角度看, 這裡 (德國) 真的需要這樣的設計, 要不我們的時間怎過 ? (電視雖然有超過 40 個不同語言的 channel, 可惜 38 個都係德文或者意大利文的, 剩下英文的只有 6 個 -- CNN, CNBC, Bloomberg, BBC, MTV, EuroSports.

Bloomberg, 我竟然當一個 channel ... 我一定冷病左.... ~_~
CNN + BBC + CNBC 其實都係同一個 channel (i.e. 你錯過了 30 秒前 cnn 的新聞, BBC 比番足本的你睇 !)
MTV -- 屋企都有, 不過未試過去坐低睇完一個節目 (依家終有機會了... 可憐)
EuroSports -- 呢個唔係 ESPN, 足球還是有的, UEFA Cup 吧. 最常播放的.. 是 LIVE 拳擊 及
LIVE 賽車 (non-F1)..o華.. 好睇到呢 ..... 絕對令你唔捨得轉台 (因為再無其他比你揀, 焗住睇呢個啦....唉.... )

ps : 我要睇電視了... 下次再談 電視電影 德文版 "成龍 蛇形刁手" 及 德文版 "英雄" (你真係要密切留意了, 保證攪笑 !)

一個人在 Munich

物離鄉貴, 人離鄉賤

簡單得連一棵 芥蘭, 無就係無...
有諗過開檔賣魚旦, 又有諗過開檔雞旦仔, 有機會到 Munich 不妨去 Supermarket 睇下, 魚 同 雞旦都可以很貴的.

漫長的冬天還沒有開始, 已經凍得要命
渺小的人工還沒有過戶, 已經負債纍纍

呢個世界根本就係 期指 遊戲, 你贏, 背後必定有人輸.. 你有無諗過你贏得開心之時, 別人已輸得沒錢開飯?
愛因斯坦 老早已明白, 我們才有 相對論